An tabbatar da ganin watan Shawwal a Najeriya

Sarki Sa'ad AbubakarHakkin mallakar hotoAFP

Mai alfarma Sarkin musulmi Muhammad Sa’ad Abubakar na III ya bayyyana Jumu’a, 15 ga watan Yuli a matsayin ranar sallah a Najeriya, bayan ganin watan Shawwal.

Wannan shi ya kawo karshen azumin watan Ramadan.

Sarkin musulmin na Najeriya ya ce an ga sabon watan na Shawwal a warare da dama na kasar da suka hada da Sakkwato da Kano da Zaria da Maiduguri da Jos da sauransu.

Hakan na nufin musulmi a Najeriya za su yi bukukuwan Sallah tare da takwarorinsu na Saudiyya da wasu kasashen musulmi da aka sanar da Juma’a a matsayin ranar Sallah.

Tun a ranar Alhamis al’ummar musulmi a jamhuriyyar Nijar suka yi sallah bayan sun riga Najeriya fara daukar azumin Ramadan

Tuni dai gwamnatin Nigeria ta ayyana Juma’a da Litinin a matsayin ranakun hutu ga ma’aikatan kasar.

Bukukuwan Sallah sun kunshi zuwa Sallar Idi, da saka sabbin tufafi da kuma ziyartar ‘yan uwa da abokan arziki.

BBC Hausa

Hassan Usman Author

Leave a Reply

Your email address will not be published. Required fields are marked *