Manyan ‘yan wasan da ba za su tafi gasar cin kofin duniya ba

Mo SalahHakkin mallakar hotoREUTERS
Image captionMohamed Salah na kila wa kala

Manyan ‘yan wasa da dama ne kasashensu za su buga gasar cin kofin duniya a Rasha ba tare da su ba.

Wasu daga cikin ‘yan wasan, raunin da suka ji ne ya hana su zuwa gasar, yayin da wasu kuma aka ki gayyatarsu daga cikin ‘yan wasan da za su buga gasar a Rasha.

Kasashe 32 ne za su buga gasar da za a fara a ranar 14 ga watan Yuni.

BBC ta yi nazari game da wasu daga cikin manyan ‘yan wasan da za su kalli wasan a gida duk da kasashensu na fafatawa a gasar.

Cesc Fabregas

FabregasHakkin mallakar hotoGETTY IMAGES

Dan wasan tsakiya na Chelsea Cesc Fabregas na cikin ‘yan wasan da kocin Spain Julen Lopetegui ya ki gayyata domin buga gasar cin kofin duniya a Rasha.

Fabregas na cikin tawagar Spain da suka lashe kofin duniya da aka gudanar a Afirka ta kudu a 2010.

Tsohon dan wasan na Arsenal da Barcelona ya wakilci Spain a gasar cin kofin duniya sau uku, a shekarar 2006 da 2010 da 2014.

Alvaro Morata

MorataHakkin mallakar hotoGETTY IMAGES

Alvaro Morata ba ya cikin jerin ‘yan wasan Spain 23 da za su buga gasar cin kofin duniya a Rasha.

Dan wasan mai shekaru 25 ya ci kwallaye 11 a kakarsa ta farko a Chelsea.

Kocin Spain ya zabi Diego Costa ne a madadin Alvaro Morata a matsayin lamba 9 a tawagar kungiyar.

Dani Alves

Dani AlvesHakkin mallakar hotoGETTY IMAGES

Raunin da Dani Alves ya samu a guiwarsa ne ya hana shi zuwa gasar cin kofin duniya a Rasha.

Dan wasan na Paris Saint Germain yana cikin manyan ‘yan wasan Brazil da suka taimakawa kasar zuwa gasar cin kofin duniya a Rasha.

Amma dan wasan zai kauracewa gasar saboda raunin da ya samu a wasan karshe da ya buga wa PSG na lashe kofin Faransa.

Anthony Matial

MatialHakkin mallakar hotoGETTY IMAGES

Dan wasan na Manchester United ba ya cikin ‘yan wasan da za su buga wa Faransa gasar cin kofin duniya a Rasha.

Ko da yake Martial yana cikin ‘yan wasan da ke jiran tsammanin ko za a gayyace su zuwa gasar.

Martial, mai shekara 22, ya fuskanci kalubale a bana a United, inda tun watan Janairu bai sake zura kwallo a raga ba.

Juan Mata

Juan MataHakkin mallakar hotoGETTY IMAGES

Mata ba ya cikin ‘yan wasan da za su buga wa Spain gasar cin kofin duniya a Rasha ba.

Dan wasan na Manchester United yana cikin ‘yan wasan da suka taimakawa Spain lashe kofin duniya a Afirka ta kudu.

Amma a bana ba ya cikin zabin kocin Spain.

Alexandre Lacazette

Alexandre LacazetteHakkin mallakar hotoGETTY IMAGES

Lacazette da ke taka leda a Arsenal na cikin manyan ‘yan wasan Faransa da kocin kasar Didier Deschamps ya ajiye.

Dan wasan ya ci wa Arsenal kwallaye 19 a dukkanin wasannin da ya buga wa kungiyar a kakar da aka kammala.

Baya ga Lacazette, Dechamps ya kuma ajiye Kingsley Coman da Adrien Rabiot da Anthony Martial, dukkaninsu ‘yan wasan gaba.

Kocin ya tafi da Antoine Griezmann da Olivier Giroud da Kylian Mbappe da Ousman Dembele.

Jack Wilshere

Jack WilshereHakkin mallakar hotoGETTY IMAGES

Jack wilshere na cikin ‘yan wasan da Kocin Ingila Southgate ya ajiye.

Dan wasan na Arsenal ya yi mamakin rashin gayyatarsa zuwa gasar cin kofin duniya a Rasha duk da ya buga wa Ingila wasan sada zumunci a watan Maris.

Joe Hart

Joe HartHakkin mallakar hotoGETTY IMAGES

Golan na Ingila ba ya cikin ‘yan wasan da za su wakilci Ingila a gasar cin kofin duniya.

Kocin Ingila Southgate ya zabi Nick Pope golan Burnley maimakon Joe Hart da ke tsaron ragar West Ham United.

Hart ya fuskanci kalubale a matsayin golan Ingila tun lokacin da Manchester City ta rabu da shi a matsayin golanta.

Karim Benzema

BenzemaHakkin mallakar hotoBENZEMA

Benzema yana cikin ‘yan wasan da suka kafa tarihi a Real Madrid bayan sun lashe kofin zakarun Turai sau uku a jere.

Amma dan wasan ba ya cikin tawagar Faransa da za su haska a gasar cin kofin duniya.

Ana ganin dai sabanin da ke tsakanin dan wasan da kocin kasar ne ya yi tasiri ga rashin gayyatarsa.

Dimitri Payet

PayetHakkin mallakar hotoGETTY IMAGES

Payet na cikin ‘yan wasan da za su kalli gasar cin kofin duniya a gida saboda raunin da yake fama da shi.

Dan wasan na Faransa ya ji rauni ne a wasan karshe na Europa League da kungiyarsa Marseille ta sha kashi a hannun Atletico Madrid.

Payet ya taka rawar gani a gasar cin kofin Turai da aka gudanar a Faransa a 2016.

Dan wasan tsakiyar ya ci kwallaye 10 a raga a bana.

Mauro Icardi

Mauro Icardi,Hakkin mallakar hotoGETTY IMAGES

Mauro Icardi yana cikin manyan ‘yan wasan da za su kalli gasar cin kofin duniya a gida bayan rashin gayyatarsa a tawagar Argentina.

Kocin Argentina Jorge Sampoali ya ki gayyatar dan wasan na Inter Milan duk ya ci kwallaye 29 a kakar bana.

Kocin ya zabi Paulo Dybala da Aguero da Higuan da Messi a madadin dan wasan.

Alex Oxlade-Chamberlain

Oxlade-ChamberlainHakkin mallakar hotoGETTY IMAGES

Raunin da Oxlade-Chamberlain ya ji ne ya hana ma sa zuwa gasar cin kofin duniya a Rasha.

Dan wasan na Ingila ya ji rauni ne a fafatawar Liverpool da Roma a gasar cin kofin zakarun Turai wasan dab da karshe a Anfield.

Dani Carvajal

Dani CarvajalHakkin mallakar hotoGETTY IMAGES

Carvajal ya ji rauni gasar Zakarun Turai wasan karshe da aka fafata tsakanin Real Madrid da Liverpool.

Raunin da dan wasan ya ji ne ya haramta ma shi wakiltar Spain a gasar cin kofin duniya a Rasha.

Pedro

PedroHakkin mallakar hotoGETTY IMAGES

Pedro na cikin ‘yan wasan da kocin Spain ya ajiye daga cikin tawagar da za su buga wa kasar gasar cin kofin duniya.

Pedro da ke taka leda a Chelsea ya ci kwallo bakwai a dukkanin wasannin da ya buga a bana.

Tsohon dan wasan na Barcelona ya wakilci Spain a gasar cin kofin duniya sau biyu, ciki har da 2010 da kasar ta lashe kofin gasar.

BBC Hausa

Hassan Usman Author

Leave a Reply

Your email address will not be published. Required fields are marked *