GARURUWA KUSAN HAMSIN (50) SUKA TASHI A KARAMAR HUKUMAN KANKARA

News

Daga Auwal Jibril ‘kankara

Kusan kullum sai ansamu labarin garuruwan da ‘yan bindiga suka shiga suka kashe mutane, ko suka kwashe su domin neman kudin fansa, ko su kore dabbobin da suka mallaka.

Ƴan bindigar sunje wasu garuruwa da suka hada da Unguwar Gizo, Unguwar Biri, Fankama, ‘Yar Itace, Tsuru, Mangwarori da sauran su, inda suka kore ma su ɗaruruwan Shanu da tumakai a wani garin ma harda kaji.

Haka al’amarin yake a Ƙaramar Hukumar Sabuwa da Ɗandume, inda ya zuwa yanzu kuma kusan duk wani ƙauye dake cikin lungu sun fashe sun dawo garuruwan da ke bakin hanya don tsira da rayuwarsu.

Haka nan sunje ƙauyukan Ɗanƙaya inda suka kashe mutum 3 ciki harda Jariri du a Unguwar Hayaƙi a mazaɓar Sheme a Ƙaramar Hukumar Faskari a Jihar Katsina.

Wannan na faruwa ne duk da ɗimbin jami’an tsaron da aka jibge a sansanin soja na Faskari da ‘yan sandan kwantar da tarzoma da rundunar zaman lafiya dole ta Ɗan Zaki yaran marigayi Ali Ƙwara.

Duk da ɗimbin ‘yan gudun hijirar da kusan kullum suke kwararowa garuruwan dake bakin hanya, irin Faskari, ‘Yankara, Sheme, da Mairuwa, amma ba wani tanadi da akayi don akula da rayuwarsu da ta iyalansu, sai dai mutum ya tafi inda danginsa suke ko ya kama hayar wurin zama shida iyalan sa.

A ƙasa ga jerin garuruwa 28 da suka fashe babu kowa cikinsu.

1.Unguwar Biri, 2.Unguwar Yaro, 3. Unguwar Ɗan Tasa, 4. Unguwar Ɗanboka, 5. Unguwar Sarki, 6. Unguwar Sarkin makafi, 7. Kafi Dogon Gida, 8. Ƙurmin, 9. Jarkuka, 10. Kamfanin Mai lafiya, 11. Tsuru, 12. Kwantai, 13. Kuka Shida, 14. Kadisku, 15. Fankama, 16. Zagami, 17. Kurmin Doka, 18. Unguwar Malam, 19. Unguwar Mai dawa, 20. ‘Yantuwaru, 21. Ɗan Aji, 22. Mai Sabo, 23. Bargaja, 24. Matseri, 25. Unguwar Gizo, 26. Unguwar Maigiya, 27. Gidan Alhaji Ado, 28. Matseri, da sauran su.

Leave a Reply

Your email address will not be published.