Sojin Nigeria sun yi wa ‘yan Boko Haram ‘ruwan wuta’ a Sambisa

Sojan sun yi barin wuta a maboyar mayakan Boko HaramHakkin mallakar hotoNIGERIAN AIR FORCE
Image captionSojan sun yi barin wuta a maboyar mayakan Boko Haram

Rundunar sojin sama ta Najeriya ta ce jiragenta sun kai hari kan maboyar mayakan kungiyar Boko Haram a jihar Borno da ke arewa maso gabashin kasar.

A wata sanarwa da daraktan watsa labaran rundunar Olatokunbo Adesanya ya aikewa manema labarai, ya ce a kwana na hudu da dakarunta suka kwashe suna kai hari da bama-bamai a maboyar ‘yan kungiyar da ke dajin Sambisa, sun lalata kayayyakin ‘yan kungiyar.

Ya kara da cewa jiragensu, samfurin Alpha Jet da F-7Ni, sun gano maboyar ta ‘yan Boko Haram gabanin kai musu hari.

  • Wani ‘Ameer din Boko Haram ya mika wuya’
  • Boko Haram ta kashe sojojin Nigeria tara a Borno

“An kai hare-haren ne domin ci gaba da karya lagon mayakan kungiyar ta yadda ba za su iya sake haduwa waje guda domi kai wa dakarunmu na kasa hari ba”, in ji sanarwar.

Rundunar sojin Najeriya dai ta sha yin ikirarin cin galaba kan mayakan kungiyar ta Boko Haram, tana mai cewa ba su da katabus din kai manyan hare-hare.

Sai dai ‘yan kungiyar na ci gaba da kai hare-hare na kunar bakin wake a arewa maso gabashin kasar.

BBC Hausa

Post Author: Hassan Usman

Leave a Reply

Your email address will not be published. Required fields are marked *

4 + 6 =